Kanë kaluar disa javë që kur Blero Muharremi dhe partnerja e tij, Eronita, mirëpritën në jetë djalin e tyre, por deri më tani, ata kishin zgjedhur ta mbanin portretin e të voglit rreptësisht larg syrit kureshtar të publikut.
Epo, duket se pritjes i erdhi fundi dhe çifti më në fund ka vendosur të thyejë akullin, duke ndarë me ndjekësit një copëz nga realiteti i tyre i ri dhe tejet i ëmbël.
Ka qenë vetë Eronita ajo që ka hedhur hapin e parë në Instagram, duke postuar një imazh që vërtet të shkrin zemrën ku shfaqet foshnja e tyre e përgjumur.
Sigurisht, këngëtari nuk ka ngurruar ta ripostojë menjëherë këtë moment në profilin e tij personal, duke treguar krenarinë e pamasë prej babai.
Ajo që i vuri kapakun këtij postimi emocionues ishte mbishkrimi i Eronitës, e cila i ka përmbledhur të gjitha ndjenjat e kësaj periudhe me një fjali të vetme dhe shumë domethënëse:
“Ky kapitull i jetës sime quhet: lumturi”.
