Në një ditë të veçantë për familjen e partnerit të saj, Ola ka zgjedhur të bëjë publik një urim të ndjerë për nënën e Adionit, e cila feston ditëlindjen.
Krahas një fotografie të realizuar gjatë takimit të tyre të parë, Ola ka ndarë disa fjalë plot dashuri dhe respekt për vjehrrën e saj:
“Urime ditëlindjen! @badelinapuka
Festofsh 100 të tjera pranë nesh! ♥️”
Urimi është shoqëruar me një foto të veçantë nga dasma e vëllait të Adionit në Gjakovë, aty ku Ola dhe nëna e partnerit të saj u takuan për herë të parë. Momenti duket se ruan ende një domethënie të veçantë për to, ndërsa ndjekësit kanë reaguar me komente pozitive për raportin e afërt mes nuses dhe vjehrrës.
Ndërkohë, Ola dhe Adi po shijojnë një periudhë shumë të bukur pranë njëri-tjetrit, pasi familjet e tyre tashmë kanë dhënë bekimin për lidhjen që nisi gjatë eksperiencës së tyre në Ferma VIP. Historia e tyre e dashurisë, e cila lindi para publikut, duket se po forcohet çdo ditë e më shumë edhe jashtë kamerave.
