Lajmi që po qarkullonte prej kohësh tanimë duket se ka marrë konfirmimin zyrtar, megjithëse jo drejtpërdrejt. Ndjekësit kureshtarë të Lela Seferit dhe Leonardo Gashit nuk kanë më pse të pyesin nëse dyshja është rikthyer bashkë, sepse fotot e tyre të fundit në Instagram flasin vetë.
Pas thashethemeve për një takim në Gjermani për Shën Valentin dhe pamjeve nga Venecia, detajet e reja nga postimet e tyre të fundit në InstaStory e bëjnë ribashkimin e tyre një fakt të pamohueshëm.
Lela Seferi ka ndarë me ndjekësit e saj një selfie para pasqyrës, ku duket mjaft elegante me një xhaketë kafe dhe pantallona të bardha. Por ajo që tërheq vëmendjen është shkrimi mbi foto: “Ready for Pizza” (Gati për picë), shoqëruar me një emoji pice. Ky duket si një njoftim për një darkë të veçantë.
Pak orë pas postimit të Lelës, Leonardo Gashi ka publikuar një foto ku shihet i ulur në një piceri, i buzëqeshur përpara një pice të madhe. Mbishkrimi i tij, “Yummy & What’s your fav pizza? Let me know”, duket si një përgjigje indirekte ndaj Lelës. Por kjo nuk është e gjitha.
Në foton e Leos, në tavolinë shihet një shishe Coca-Cola, një element që do të bëhej vendimtar më vonë. Në një tjetër postim, Leo ka ndarë një foto të fokusuar te shishja e Coca-Cola-s, me mbishkrimin mistik: “Kush e din e din”. Ky mesazh duket se i drejtohet një personi të veçantë, i cili e kupton kuptimin e tij të fshehtë. Dhe kush tjetër mund të jetë, veçse Lela?
Megjithëse Lela dhe Leo ende nuk e ndjekin njëri-tjetrin në Instagram, ky detaj duket se është thjesht një lojë për të mbajtur kureshtjen e publikut. Fotot e fundit janë një provë e qartë se ata po kalojnë kohë bashkë, madje duke ndarë të njëjtat pasione si pica dhe Coca-Cola.
Ribashkimi i Lela Seferit dhe Leonardo Gashit, dy personazheve të dashur të “Big Brother VIP Kosova 3”, është padyshim një nga lajmet më emocionuese të momentit në botën e showbiz-it shqiptar. Tani na mbetet vetëm të presim për një foto të përbashkët të tyre, për të vulosur këtë histori dashurie që duket se po rilind.
