Nëse nuk keni ku të shkoni me datat 6, 7 dhe 8 mars, baleti “Lola” ju mirëpret në TKOB!
Një vepër plot pasion, ritëm dhe emocion rikthehet në skenë në një rivenie të realizuar nga Alisa Gjoni dhe Edi Blloshmi, me ndihmën e Domenika Ndreca.
“Lola” premton një mbrëmje magjike, ku forca e interpretimit, eleganca e baletit dhe atmosfera e zjarrtë do të ndërthuren në një spektakël të paharrueshëm për publikun.
Mos e humbisni këtë produksion të veçantë në skenën e TKOB-së, duke filluar nga ora 19:00.
