Dizajneri i njohur ndërkombëtarisht Valdrin Sahiti zgjeron universin e tij kreativ duke prezantuar për herë të parë koleksionin e këpucëve, një projekt i punuar me përkushtim për gati dy vite.
Koleksioni përfshin 42 dizajne unike, me modele dhe ngjyra të shumta, ku Sahiti sjell të njëjtin shpirt artistik dhe elegancë që e kanë shoqëruar për dekada në krijimin e fustaneve të tij ikonike.
Linja e këpucëve do të përbëhet nga katër kategori kryesore:
- Valdrin Sahiti Black Line
- Bridal Line
- Evening Line
- Fun Party Shoes Line
Sipas dizajnerit, kjo linjë është një vazhdimësi natyrale e vizionit të tij estetik, duke u dhënë grave mundësinë të ecin me të njëjtin vetëbesim dhe finesë që përcjellin krijimet e tij haute couture.
Koleksioni i ri do të lançohet në muajin shkurt, si online ashtu edhe në dyqan, dhe pritet të ngjallë interes të madh në skenën e modës, brenda dhe jashtë vendit.
“Shpresoj t’i doni po aq sa keni dashur fustanet e mia ndër vite – dhe të ecni me to si asnjë grua tjetër në dhomë,” shprehet Sahiti.
