Pas një periudhe të gjatë mungese nga vëmendja publike, Flori Mumajesi është shfaqur sërish në një foto që ka ngjallur menjëherë reagime në rrjete sociale. Imazhi nuk është publikuar nga vetë këngëtari dhe producenti i njohur, por nga një klinikë dentare në Turqi, ku ai duket në shoqërinë e stafit mjekësor.
Prej kohësh, Flori ka zgjedhur të qëndrojë larg medias dhe rrjeteve sociale, duke mos dhënë asnjë deklaratë apo shenjë për aktivitetet e tij aktuale. Pikërisht për këtë arsye, çdo paraqitje e tij e re zgjon interes të madh te publiku dhe fansat e muzikës shqiptare.
Fotoja ka bërë xhiron e rrjeteve, ndërsa ndjekësit komentojnë rikthimin e tij të rrallë në vëmendjen publike, edhe pse në mënyrë të tërthortë.
