Një dyshe që askush nuk e priste! Bleona Qerreti dhe Bes Kallaku kanë surprizuar ndjekësit e tyre në rrjetet sociale, duke u shfaqur krah njëri-tjetrit në një moment mjaft festiv dhe domethënës.
Të dy artistët kanë ndarë një foto ku shihen duke ndezur qirinjtë për festën e Krishtlindjeve, duke përcjellë një atmosferë plot paqe dhe dritë. Por, ajo që ka “ndezur” menjëherë dyshimet e fansave është mbishkrimi që shoqëronte postimin:
“Krishtlindje me dritë, dashuri dhe bardhësi. Mirënjohëse për gjithçka që kam dhe për gjithçka që po vjen,” – shkruan Bleona, duke lënë të kuptohet se diçka e re është rrugës.





