Mbrëmja e 24 dhjetorit nuk eshte një natë feste për Luiz Ejlli, por një moment i thellë reflektimi dhe ndjeshmërie. Përmes një mesazhi emocional të ndarë me ndjekësit, artisti ka rrëfyer se kjo datë i rikthen çdo vit një mungesë që nuk zbehet me kohën, humbjen e babait.
Kanë kaluar pesë vite që ai nuk është më pranë, por, siç shprehet Luizi, zëri dhe prania e tij mungojnë veçanërisht në Krishtlindje, duke e bërë këtë periudhë më të rëndë për zemrën.
“Sonte kam lot, dashni, kujtime dhe falënderim,” shkruan Luizi. Mesazhi mbyllet me një urim për Krishtlindje, për ata që janë pranë dhe për ata që jetojnë përgjithmonë në zemren e tyre.
