Aktorja e njohur Klea Huta i ka vënë pikën dyshimeve për ndarje nga bashkëshorti i saj, këngëtari Elgit Doda.
Përmes një postimi në rrjetet sociale, ajo i ka uruar atij ditëlindjen, duke e quajtur “shpirtin” e saj dhe duke treguar se marrëdhënia mes tyre vijon normalisht.
“Gëzuar ditëlindjen shpirti im. Të duam shumë!”, shkruan aktorja krahas një fotoje të publikuar me Elgit Dodën dhe djalin e tyre, Krid teksa shfaqen më të lumtur se kurrë.
Prej disa kohësh, në mediat rozë ishin përhapur aludime për një krizë apo ndarje mes dyshes, e cila kurorëzoi dashurinë e saj me martesë vetëm dy vite më parë. Dyshimet u shtuan pasi në profilet e tyre në rrjete sociale u vu re se ishin fshirë disa nga fotografitë e përbashkëta.
