Pas thashethemeve që po qarkullojnë prej ditësh në rrjet për një lidhje të mundshme mes tij dhe Sara Hoxhës, Erik Fullani ka reaguar për herë të parë. I ftuar në podcastin e Mira Kazhanit, Eriku është treguar i sinqertë dhe plot humor teksa ka folur për planet e tij personale.
“Kam vendosur të bëhem çun i mirë këtë herë. Unë si Erik, dua të martohem dhe të bëj dasëm shumë të madhe. E kam gjetur edhe vendin, por nuk e them se ma marrin,” është shprehur ai mes të qeshurash.
Deklarata e tij ka ndezur menjëherë rrjetin, ku ndjekësit kanë nisur të aludojnë sërish nëse këto fjalë kanë lidhje me lajmet për romancën e përfolur. Megjithatë, Eriku nuk ka përmendur emra, duke lënë gjithçka në kuadrin e misterit.
Një gjë është e sigurt: duket se Fullani është gati për një kapitull të ri në jetën e tij dhe ndoshta, një dasmë që do të bëjë bujë!
