Jona Spahiu ka ndarë një lajm të bukur me ndjekësit e saj: ajo është bërë nënë për herë të dytë. Jona ka sjellë në jetë një vajzë, të cilës i ka vendosur emrin Freya. Përmes një postimi të ëmbël në Instagram, ajo publikoi disa foto nga momentet e para me bebushen, duke emocionuar ndjekësit dhe miqtë e saj virtualë.
Në përshkrimin e postimit, Jona ka shkruar: “Raideni u bë vëlla i madh! Më 27/08/2025 lindi Freya dhe shtëpia jonë është mbushur plot me dashuri dhe me mirënjohje që po i përjetojmë këto ndjesi sërish.” Me këtë mesazh të ngrohtë, ndau emocionet e ardhjes në jetë të vajzës së saj, duke treguar edhe gëzimin e djalit të madh, Raiden, që tashmë mban rolin e vëllait të madh.
