Moderatorja e njohur, Argjira Spanca ka lajmëruar largimin e saj nga ekrani pas shtatë vitesh.
Në një postim në rrjetin e saj social “Instagram”, Argjira ka ndarë me ndjekësit e saj lajmin se ajo nuk do jetë më pjesë e programit “E diell” në Top Channel.
Gjithashtu ajo ka kujtuar fillimet e saj në televizion, ku nuk kishte aspak plane për televizionin, por gjëja që e ka shtyrë ishte dashuria që ajo kishte për bukurinë dhe kreativitetin që kjo punë i ofronte.
Më tej, vajza e cila me çiltërsinë dhe ëmbëlsinë që e karakterizon fitoi “zemrat” e të gjithëve, ka theksuar se ka ardhur momenti për të bërë disa hapa të rinj për jetën e saj, larg asaj që publiku është mësuar të shohë deri më sot.
Ndërkohë Argjira nuk ka lënë pa falënderuar publikun që e ka mbështetur dhe e ka dashur gjatë rrugëtimit të saj në botën e televizionit si dhe të gjithë personat të cilët përgjatë këtij rrugëtimin televiziv i kanë qëndruar pranë dhe janë kthyer për të si një familje e dytë.
