Gert Bogdani, ish-deputet i Partisë Demokratike, do të kishte festuar 45-vjetorin e lindjes. Ai u nda para kohe nga jeta, si pasojë e një ataku kardiak, duke lënë pas bashkëshorten e tij, aktivisten Edlira Çepani, dhe dy fëmijë të mitur.
Në këtë ditë të veçantë për familjen, Edlira ka ndarë një mesazh prekës në rrjetet sociale, duke kujtuar bashkëshortin e saj.
“Faleminderit që erdhe në këtë botë dhe e bëre një vend më të mirë”, ka shkruar ajo krahas një fotoje me bashkëshortin e ndjerë.
Më tej ajo ka dhënë edhe një mesazh për të gjithë ndjekësit e saj,
“Festojani ditëlindjet sa më shumë njerëzve të zemrës, thuajani sa rëndësi kanë për ju çdo ditë, thuajani në çdo moment sa i doni, përqafojini sa më shumë, dëgjojini, buzëqeshuni sa më shumë. Sepse një ditë do mbeten veç kujtimet e gjithë këtyre gjërave,” ka shkruar ajo.
