Aktori Rezart Veleshnja ka reaguar i revoltuar pas lajmit se aktorja legjendare Tinka Kurti jeton në një shtëpi të të moshuarve. Përmes një postimi në rrjetet sociale, ai ka shprehur zhgënjimin e thellë ndaj mënyrës si trajtohen artistët në Shqipëri, duke shkruar:
“S’do t’ja dijë njeri për artistët këtu! Këtu mbarojnë punë me ty dhe vlerësimi për atë që ti bëre është vetëm një përbuzje! Ky është fati i artistit në vendin tonë të laraskave, se shqiponjat i vranë.”
Ky reagim i Veleshnjës është një thirrje e fortë ndaj shoqërisë dhe institucioneve, që shpesh harrojnë figurat më të shquara të artit, duke i lënë në harresë dhe pa përkrahje në moshë të thyer.





