Sean “Diddy” Combs po përballet me akuza për sulm seksual nga dy gra, të cilat kanë paraqitur paditë e tyre anonime këtë javë në Gjykatën e Lartë të New York-ut.
Sipas padive, ngjarjet ndodhën gjatë viteve 1990, kur të dy gratë thonë se Diddy i kishte mbyllur ato në klubin “Limelight” dhe më pas i kishte çuar në një apartament në hotelin “Trump International”.
Ajo thotë se, kur përpiqej të largohej, ishte urdhëruar të qëndronte dhe më pas u dërgua në një “penthouse” të hotelit Trump, ku u drogua dhe u detyrua të merrte pjesë në aktivitete seksuale për disa orë.
Padia e dytë përmban akuza të ngjashme, ku gruaja thotë se, pas një feste seksuale grupore në “Limelight”, ajo u përball me një konfrontim fizik me rojet e sigurisë të Diddy-t, pasi tentoi të largohej.
Ajo pretendon se ishte dërguar në një dhomë në hotelin Trump, ku më pas është abuzuar seksualisht nga një nga rojet, ndërsa Diddy ishte i pranishëm gjatë ngjarjeve.
Sipas padisë, ajo dhe shoqja e saj janë detyruar të përdorin droga dhe të angazhohen në aktivitete seksuale që nuk dëshironin të merrnin pjesë, por Diddy i kishte bërë të qarta pasojat nëse do të përpiqeshin të largoheshin.
Combs ka mohuar akuzat, duke i cilësuar ato si të pabaza. Përfaqësuesit e tij kanë theksuar se ai ka besim në procesin ligjor dhe janë të sigurt se do të dalë i pafajshëm. Ata kanë shtuar se Diddy nuk ka abuzuar seksualisht asnjë individ dhe janë të bindur se e vërteta do të dalë në gjykatë.
