Xhensila Myrtezaj ka ardhur së fundmi me një video e cila ka shqetësuar jo pak fansat. Në llogarinë e saj në “Instagram” këngëtarja ka postuar një video ku dhe bën me dije se është detyruar të anulojë të gjitha koncertet.
Kjo ka ardhur për shkak të gjendjes së saj shëndetësore. Xhensila me dije se është duke iu nënshtruar një trajtimi dhe se shumë shpejt do të bëhet mirë dhe të rikthehet më e fortë se kurrë.
“Nuk më ka ndodhur kurrë që të anuloj një koncert ose një event për shkaqe shëndetësore apo personale, e kam mbajtur veten për gocë të fortë, por ndonjëherë shëndeti nuk pyet se sa dëshirë apo forcë ke ti për të punuar.
Mjekja më sugjeroi, në fakt ishte një urdhër që duhet të vazhdoj një terapi venoz dy herë në ditë derisa ta marr veten, është çështje ditësh dhe unë e di që do të vij sërish më e fortë se kurrë për koncertet e tjera të radhës dhe për të qenë pranë jush”, tha Xhensila.
