Sapo nis nëntori, nuk ka më dyshime se mund ta vendosim pemën! Edhe pse data zyrtare e njohur për vendosjen e saj është 6 dhjetori…
Në nxitim për të ndezur dritat, në nxitim për të ndezur oxhakun, në nxitim për të pjekur gështenjat e për të vendosur zbukurimet në pemën e fundvitit!
Por a nxitojnë njerëzit që së bashku me pemën të bëjnë gati edhe dhurtat e fundvitit?
Thënë këtë, le të bëjmë një retrospektivë se çfarë dhuratash merrnim më herët…
Një qese me arra dhe mollë, shportë me ushqime dhe pije, filxhanë dekorativë, mbulesa krevatesh, peshqirë, të gjitha të shoqëruara me kartolinë… kanë qenë këto disa nga dhuratat që mbizotëronin në vitin 2000…
Por çfarë ka ndryshuar gati 24 vite më vonë?
A zgjedhin njerëzit të njëjtat dhurata si më herët apo epoka teknologjjike i ka vështirësuar paksa zgjedhjet dhee… a bëjmë më shumë dhurata sot se dikur?
Sipas përjetimeve individuale të njerëzve, dhuratat e viteve më parë mbeten më të veçantat! Dhe kjo nuk lidhet aspak me koston e harxhimit, por rëndësinë emocionale të cilën përçojnë!
