në një nga sheshet më të bukura dhe më të preferuara për aktivitete në Tiranë, i quajtur “Sheshi Italia”. Kjo hapësirë ndodhet në një zonë mjaft të populluar në Tiranë dhe njihet ndryshe nga të gjithë me emërtimin jozyrtar si sheshi i rinisë, duke qenë se është shumë i frekuentuar nga të rinjtë në çdo moment të ditës me biçikleta, monopatina, skateboard, me Ipad apo lojra digitale që janë më “In” sot. * Në ambjentet e panairit, u zhvilluan aktivitete dhe shfaqje të ndryshme që synonin jo vetëm informimin, por edhe edukimin, argëtimin dhe përfshirjen e të gjithë pjesëmarrësve si ekspozuesve ashtu dhe vizitorëve të panairit. Këto aktivitete që përfshinë seminare, praktika për të njohur makineritë më inovative për estetikën, sfilata mode me stilistë të rinj në fushën e modës, show për djemtë për stilime të flokëve dhe mjekrës, praktika për të rinjtë që synonin të fitonin bursat e plota të ofruara nga Beauty Fair Albania, u kulmuan nga një event mjaft i rëndësishëm social i titulluar “E bukura je ti… E bukura është grua…” me pjesëmarrjen e grave përfaqësuese të fushave të ndryshme, i cili i kushtohej vajzave dhe grave Afgane dhe mbështetjes që dha vendi ynë për to, duke e kombinuar me rëndësinë edhe fuqizimin e gruas dhe femrës shqiptare në aspekte të ndryshme të jetës. Fuqia e kontributit të femrës në Shqipëri është shumë e rëndësishme për Beauty Fair Albania.