Kur bëhet fjalë për këshilla për kujdesin e lëkurës, kufiri nuk ekziston. Pra, kur Kourtney Kardashian ndau një video të saj të gjatë ku tregonte sekretin se për fytyrën e saj të shëndetshme përdorte terapinë me avull, natyrisht ne kishim nevojë të dinim më shumë. Revista prestigjoze e huaj “Poosh” ka takuar dermatologen dhe estetisten e Kourtney për të ndarë këshillat dhe sekretet e saj dhe si të kujdesemi gjatë kohës që jemi në shtëpi.
1. Avull për lëkurën tuaj
“Ky hap i bukur dhe i lehtë do të ndihmojë më shumë në qarkullimin e gjakut dhe gjithashtu zbut sebumin në lëkurë, duke e bërë më të lehtë pastrimin e poreve tuaja.”
2. Eksfolimi i lëkurës
“Kjo është një nga gjërat e mia të preferuara për të bërë për veten dhe për klientët e mi! Heqja e të gjitha shtresave të thata dhe të vdekura të lëkurës ndihmon vërtet për të rritur shkëlqimin dhe për të ndihmuar depërtimin e produktit. Ju mund të eksfoloni me një skrab ose një produkt që përmban acide, të tilla si laktik ose glikolik. Gjithmonë sigurohuni që të pyesni një profesionist se cila është e duhura për llojin e lëkurës tuaj.”
3. Maska
“Maskat janë kaq të shkëlqyera për shumë gjëra të ndryshme, pavarësisht nëse po kërkoni të ndihmoni në largimin e papastërtive nga lëkura dhe/ose për të rritur shkëlqimin ose për t’i dhënë lëkurës tuaj një hidratim shumë të nevojshëm. Ka kaq shumë maska për shumë lloje të ndryshme lëkure. Nëse po kërkoni diçka për të ndihmuar me papastërtitë dhe vajin, unë do të zgjidhja një maskë që përmban argjilë, pasi ndihmon në largimin e papastërtive. Nëse jeni duke kërkuar për hidratim, unë do të kërkoja përbërës të tillë si hialuronik. Një maskë me vitaminë C mund të ndihmojë vërtet për të ndriçuar lëkurën.”
4. Hidratim, hidratim, hidratim!
“Të pini ujë gjatë ditës do t’ju ndihmojë të mbani lëkurën tuaj të hidratuar dhe të ndihmoni në largimin e toksinave nga sistemi juaj. Unë gjithmonë e nis ditën time me një gotë të madhe me ujë me limon në temperaturë dhome dhe më pas i lejoj vetes një filxhan kafe.”
