Një urim i veçantë dhe plot emocione ka ardhur nga Graniti, i cili ka festuar 7-vjetorin e lindjes së vajzës së tij.
Në një dedikim të gjatë të publikuar në rrjetet sociale, ai ka ndarë me ndjekësit disa prej ndjenjave më të bukura si baba, duke kujtuar momentin kur e mbajti për herë të parë në krahë.
Graniti shkruan se vajza e tij ishte fëmija i parë i familjes dhe se ardhja e saj në jetë ndryshoi gjithçka, duke i bërë atë dhe partneren e tij prindër.
“Ti na bëre mami dhe babi dhe na tregove se çfarë do të thotë dashuria pa kushte”, shkruan ai, ndërsa shprehet pafundësisht krenar për vajzën e tij, për zemrën e madhe, forcën dhe mënyrën se si ajo rritet çdo ditë.
Në urimin e tij, Graniti thekson gjithashtu se, pavarësisht se sa shumë do të rritet dhe se ku do ta çojë jeta në të ardhmen, për të ajo do të mbetet gjithmonë “vajza e vogël” e babait.
“Për mua do të mbetesh gjithmonë vajza ime e vogël”, shkruan ai në një prej pjesëve më emocionuese të dedikimit.
Në fund, Graniti i uron të bijës lumturi, realizimin e ëndrrave dhe që të mos harrojë kurrë se sa shumë është e dashur.
“Gëzuar 7-vjetorin, princesha ime e vogël. Babi të do më shumë nga sa mund ta përshkruajnë ndonjëherë fjalët. Përgjithmonë”, përfundon ai.
