Labinot Rexha është rikthyer me një tjetër deklaratë të fortë në rrjete sociale, këtë herë duke përfshirë Klodin dhe Elijonën në pretendime që prekin drejtpërdrejt jetën e tyre private.
Në një postim të publikuar në Instagram, ai iu drejtua Klodit publikisht duke e akuzuar se e ka tradhtuar Elijonën, madje duke hedhur edhe pretendime për personin me të cilin kjo supozohet se ka ndodhur.
“Si nuk të vjen turp me tradhtu një vajzë 19-vjeçare… Elijona, të kam pas thënë që Klodi është tradhtar”, shkroi mes tjerash Labi.
Por ajo që bie në sy është se për akuzat e bëra nuk është paraqitur asnjë provë. Për më tepër, përfshirja e pretendimeve rreth marrëdhënieve intime dhe personave të tretë e bën deklaratën edhe më problematike, sidomos kur bëhet fjalë për çështje krejtësisht private që mund të dëmtojnë reputacionin e personave të përmendur.
Labi nuk u ndal me kaq. Ai paralajmëroi edhe një tjetër “bombë”, këtë herë duke përmendur Londrimin dhe duke lënë të kuptohet se do të publikojë pretendime për jetën e tij para hyrjes në “Big Brother”.
Deri në këtë moment, Klodi, Elijona apo Londrimi nuk kanë reaguar ndaj deklaratave të tij dhe asnjë prej pretendimeve të bëra nga Labi nuk është konfirmuar në mënyrë të pavarur.
