Në “Beauty Fair Albania 2026”, stendat 6 dhe 7 janë kthyer në një nga destinacionet më të pasura të panairit, ku vizitorët mund të zbulojnë një gamë të gjerë brandesh ndërkombëtare të bukurisë, makeup-it, skincare dhe kujdesit personal.
Nën prezantimin e “Flormar”, në këtë hapësirë bashkohen 14 brande të njohura si Flormar, Deborah Milano, Dermolab, Swiss Image, Pierre Cardin Cosmetics, Prime Wax, Hunca Life, Deina, Agiss, Agiva, Wee Baby, Bio Tree, Mr. White dhe Fe, duke sjellë një eksperiencë të plotë për çdo kategori të kujdesit dhe bukurisë moderne.
“Flormar”, marka e njohur ndërkombëtare e makeup-it, prezanton koleksionet e saj me ngjyra të pasura, formula moderne dhe produkte të krijuara për çdo stil dhe ton lëkure. Një brand që ndër vite është kthyer në pjesë të rutinës së përditshme të miliona vajzave dhe grave.
Në të njëjtën stendë prezantohet edhe “Deborah Milano”, ikona italiane e kozmetikës që prej dekadash mishëron stilin dhe elegancën “Made in Italy”, me produkte profesionale makeup-i dhe skincare të krijuara për performancë dhe finesë.
Për kujdesin e lëkurës, “Dermolab” dhe “Swiss Image” sjellin formulime të avancuara me përbërës aktivë, acid hialuronik dhe ekstrakte natyrale zvicerane, të fokusuara te hidratimi, rigjenerimi dhe mbrojtja e lëkurës.
Ndërsa “Pierre Cardin Cosmetics” kombinon luksin francez me teknologjinë moderne të skincare dhe makeup-it, duke ofruar produkte elegante dhe të përshtatshme për çdo moshë dhe stil.
Pjesë e kësaj bote bukurie janë edhe brandet e kujdesit personal si “Prime Wax” dhe “Agiss”, të specializuara në depilim dhe kujdes të lëkurës, të njohura për formulat efektive dhe rezultatet e buta e profesionale.
“Deina Professional Makeup” sjell produkte makeup-i me ngjyra intensive dhe tekstura moderne, ndërsa “Hunca Life” prezanton parfume dhe produkte personal care të njohura për cilësinë dhe aromat e tyre të veçanta.
Në stendat 6 dhe 7, vizitorët do të gjejnë gjithashtu produkte për kujdesin e foshnjave, higjienën orale dhe kujdesin natyral, duke e kthyer këtë hapësirë në një qendër të vërtetë të industrisë së bukurisë dhe mirëqenies.
Një eksperiencë ku makeup-i, skincare, parfumeria dhe kujdesi personal bashkohen në një adresë të vetme në “Beauty Fair Albania 2026”.