Këngëtarja dhe influencerja e njohur Xheisara Frisku ka ndarë me ndjekësit e saj në Instagram një moment të rëndësishëm nga jeta personale, duke zbuluar se është në pritje të fëmijës së saj të dytë.
Në një video të publikuar në rrjetet sociale, ajo ka konfirmuar lajmin e shtatzënisë, duke emocionuar fansat që e ndjekin prej kohësh. Në pamjet e shpërndara, Xheisara shfaqet në një atmosferë të ngrohtë dhe familjare, duke lënë të kuptohet se kjo periudhë është e mbushur me gëzim dhe pritje pozitive për të dhe familjen e saj.
