Një video e publikuar së fundmi nga faqja “FlasimDrejt” po bën xhiron e rrjetit dhe ka hapur diskutime të shumta rreth Brikena-s, pak para hyrjes së saj në “Big Brother VIP”, sipas asaj që thuhet nga kjo faqe. Por Beaty Fair Magazine ka dyshime se kjo video është shkëputur nga një emision tjetër.
Në pamjet që po qarkullojnë, dëgjohet një pjesë nga një bisedë mes saj dhe një përfaqësuesi të produksionit, ku Brikena flet hapur për jetën e saj personale. Ajo shprehet se nuk ka pasur një lidhje të mirëfilltë në të kaluarën, duke theksuar: “Nuk kam pasur asnjë lidhje, nuk kam pas asnjë partner. Thjesht kam pasur njohje, pëlqime, por nuk kam pasur një të dashur që të dal gjithmonë më të.”
Ajo shton gjithashtu se, ndonëse nga jashtë mund të krijohet një perceptim tjetër për të, realiteti është ndryshe. “Edhe pse duket sikur jam shumë e lazdruar, por jo, nuk jam”, dëgjohet të thotë ajo gjatë bisedës.
