William Levy ka konfirmuar romancën e re. Ylli i telenovelave meksikane ndau një fotografi në rrjete sociale, duke konfirmuar thashethemet që qarkullonin kohët e fundit se ai është në një lidhje me Jennifer Camacho.
Levy postoi një foto në Instagram duke u puthur me Camachon, foto e shkrepur në Granada të Spanjës. Përpara se të konfirmonte publikisht lidhjen, aktori dhe Camacho ndanë foto të duarve të tyre si dhe pamje të ngjashme nga Granada, duke iu dhënë sinjale fansave për lidhjen e tyre.
Jennifer Camacho është nga Porto Riko, por banon në Spanjë. Deri në publikimin e fotografisë, jeta e saj ishte larg vëmendjes së publikut.
Romanca e re e aktorit të famshëm vjen pas ndarjes nga Elizabeth Gutierrez, një marrëdhënie që zgjati pothuajse njëzet vjet dhe solli në jetë dy fëmijë. Dyshja e famshme i dhanë fund raportit të tyre në prill të vitit 2024.
