Kinematografia shqiptare vjen me një prodhim të ri që ka zgjuar shumë interes tek publiku. Filmi “ADN” do të ketë premierën e tij më 18 tetor në Cineplexx, ku në rolet kryesore do të shfaqen dy emra të njohur nga bota e televizionit dhe spektaklit: Rike Roçi dhe Azemi, i cili u bë i famshëm falë pjesëmarrjes së tij në “Big Brother VIP Kosova”.
Filmi premton të sjellë një histori emocionuese, ku drama dhe intriga ndërthuren me tema aktuale, duke u fokusuar tek lidhjet njerëzore dhe forca e identitetit personal, një “ADN” që përcakton fatin dhe rrugëtimin e secilit personazh.
Publiku pritet ta ndjekë me shumë interes këtë produksion, jo vetëm për subjektin, por edhe për faktin se protagonistët vijnë nga një background televiziv me një bazë të madhe fansash.
