Në një kohë kur rrjetet sociale janë pushtuar nga zërat për një ndarje mes Fifit dhe Adisit, këngëtarja ka vendosur të thyejë heshtjen në mënyrën më të bukur të mundshme. Jo me një këngë të re apo një deklaratë dashurie, por me një lajm të madh: Fifi është shtatzënë për herë të dytë!
Në profilin e saj në Instagram, ajo ka publikuar një foto mjaft emocionuese nga momenti i zbulimit të gjinisë së bebit, një përjetim i veçantë për çdo prind. Kështu, Theo Mal shumë shpejt do të bëhet vëlla i madh!
Ky njoftim i ëmbël duket se i ka qetësuar edhe ata që spekulonin për një krizë në çift, duke treguar se familja po zgjerohet dhe dashuria është ende aty.
Urime Fifit për këtë pritje të bekuar – i urojmë një shtatzëni të mbarë dhe plot shëndet!
