Ndonëse me shpejtësi u tha sërish se motrat Gixhari kanë krisur marrëdhëniet me njëra-tjetrën, kjo për shkak të mos urimit të Oltës për eksperiencën e re të së motrës, e vërteta është krejt tjetër.
Motrat Gixhari jo vetëm që nuk janë zënë, por madje ato janë më mirë se asnjëherë më parë. Ka qenë vetë Olta ajo e cila i ka dhënë fund këtyre thashethemeve përmes një postimi në rrjetet sociale. Olta ka publikuar një foto të Gertës, krah së cilës i uron suksese në këtë eksperiencë të re.





