Fituesja e madhe e konkursit të Miss Universe të këtij viti është Victoria Kjær Theilvig e Danimarkës , e cila ia mori kurorën fitueses së vitit të kaluar Sheynnis Palacios nga Nikaragua.
21-vjeçarja është danezia e parë që fiton konkursin e bukurisë. Ajo është një kërcimtare, sipërmarrëse dhe avokate aspiruese.
Victoria Kjær Theilvig arriti të dallohej në mesin e 12 garuesve që arritën në finalen e madhe, e cila u zhvillua në Mexico City. Edhe pse ishin 120 garues që morën pjesë në garë, vetëm 30 arritën të kalojnë në fazën tjetër. Më pas finalistët u shfaqën me rroba banje, me vetëm 12 që kaluan në finale.
