E RËNDË! Pamjet ku rrihet Limi bëjnë namin në rrjet

Në një kohë kur Limi ndodhet brenda shtëpisë së Big Brother VIP Kosova, në rrjetet sociale janë publikuar pamje të një ngjarjeje të rëndë, ku ai shfaqet duke u dhunuar nga disa persona. Sqarojmë se kjo ngjarje nuk ka ndodhur së fundmi, por vite më parë, ndërsa videoja është bërë publike për herë të parë sot.
Publikimi i këtyre pamjeve në këtë moment është i papranueshëm dhe thellësisht i dëmshëm. Shfrytëzimi i akteve të dhunës për klikime, vëmendje apo përfitime personale jo vetëm që cenon dinjitetin e viktimës, por edhe normalizon dhe promovon dhunën në shoqëri.
Dënojmë fuqishëm përhapjen e këtyre përmbajtjeve dhe bëjmë thirrje për përgjegjësi, etikë dhe ndjeshmëri, sidomos kur bëhet fjalë për ngjarje traumatike dhe të dhimbshme nga e kaluara e një individi.