Eduart Kuçi ka bërë reagimin e tij të parë publik pas eliminimit nga Big Brother VIP Kosova, duke thyer heshtjen disa ditore që kishte zgjedhur të mbante që nga dalja nga shtëpia më e famshme.
Ish-banori u largua nga loja pas një televotimi, ku vendimi përfundimtar iu la publikut. Ndryshe nga shumë banorë të tjerë, të cilët zakonisht reagojnë menjëherë në media apo rrjete sociale pas eliminimit, Kuçi zgjodhi të mos prononcohej, duke u shkëputur plotësisht nga vëmendja publike.
Kjo heshtje, ka ngjallur mjaft kuriozitet te ndjekësit e formatit, të cilët kanë pritur me interes një reagim të tij lidhur me përvojën në shtëpi, dinamikat me banorët e tjerë dhe mënyrën se si u përjetua largimi. Përmes një postimi në llogarinë e tij në Instagram, Edi Kuçi ka paralajmëruar se do të flasë publikisht mbrëmjen e nesërme, duke lënë të kuptohet se ka shumë për të sqaruar.
“Nesër. 20:00. Kam me thënë diçka. Ka qenë koha me hesht. Tash është koha me fol,” – shkruan ai në mesazhin e tij të shkurtër, por domethënës.
