Transmetimi i drejtpërdrejtë i Big Brother VIP Albania është ndërprerë përkohësisht ditën e sotme për shkak të disa problemeve teknike me sinjalin nga shtëpia.
Sipas njoftimit zyrtar të publikuar nga produksioni, sinjali nga shtëpia e Big Brother është ndërprerë, ndërsa ekipi teknik po punon intensivisht për rikthimin sa më të shpejtë të transmetimit normal. Prodhuesit kanë siguruar publikun se situata është nën kontroll dhe se po merren të gjitha masat e nevojshme për zgjidhjen e problemit.
“Për shkak të disa problemeve teknike, sinjali nga shtëpia është ndërprerë. Ekipi teknik po punon për rikthimin e menjëhershëm të transmetimit. Vëllai i Madh ju njofton se banorët janë gjatë gjithë kohës nën monitorimin e kamerave. Faleminderit për mirëkuptimin”, thuhet në njoftim.
