Deputetja e socialiste, Ilva Gjuzi është paraqitur në Komisionin për Burimet Natyrore, Infrastrukturën dhe Zhvillimin e Qëndrueshëm, bashkë me foshnjën e saj.
E ndërsa mbante në kraharor fëmijën e saj, ligjvënësja e PS e zgjedhur për herë të parë në këtë legjislaturë, nuk është privuar që marrë pjesë në diskutim.
Kryetarja e këtij komisioni, Anila Denaj, i uroi mirëseardhje deputetes, ndërsa theksoi se prania me fëmijën, mund të ishte dhe një ogur i mirë.
Kujtojmë se një situatë e ngjashme me Gjuzin, ndodhi pak ditë më parë në Bundestagun gjerman, ku deputetja Hanna Steinmüller, mbajti fjalim për buxhetin e Ministrisë së Ndërtimit, me foshnjën e saj mbështjellë në krah.
